تاكسي نيوز
سمعنا وشفنا وقرينا بلي مجلس جهة بني ملال خنيفرة او بالاحرى مجلس الشاب ابراهيم مجاهد صادق على 36 مليار درهم ونصف ديال مشروع التنمية الجهوية ولي هو فحقيقة الامر خطوة في الاتجاه الصحيح وتايتسناها سكان الجهة بفارغ الصبر باش نشوفو مستشفى جامعي وكلية الطب والسكة الحديد ووو..
ولكن واش سول سي مجاهد راسو واش كاينة شي تنمية جهوية في ظل تهميش الاعلام الجهوي واحتقاره عن قصد او عن غير قصد ، واش كاين شي جهوية متقدمة موسعة بدون صحافة جهوية لي عندها قاعدة واسعة من القراء بالجهة وخارج الجهة، بغينا نعرفو من السيد الرئيس واش بالنسبة لو الاعلام شريك اساسي في هاد التمنية او لا لا…
الى كان ماتايتسوقش للصحافة يخرج نيشان ويقول بلي هو مستغني عليها وعندو الراديو المعلوم يسوق للمجلس ديالو الانجازات والمشاريع وووو.. وديك الساعة تاحنة نعرفو روسنا بلي غا زايدين وبلي عدنا منتخبين غادي ينجحو مشروع التنمية الجهوية بدون حاجة للصحافة الجهوية!!!
حنا تانحييو فيكم انكم سحبتو نقطة منح 100 مليون لديك الاذاعة وهادي خطوة ايجابية وتعكس ارادة المجلس والانصات ديالو وكذلك تانحاييو نضال الزملاء ومقاطعتهم ولكن هدشي مكافيش وخاصكم كمجلس تردوا الاعتبار للصحافة وماتبقاوش تحتاقروها وماشي لي جا يمسح فيها صباطو !!
