الحبيب المصطفى
شحال ديال الناس تايسولو على الشروط والواجبات المالية لي قررتها مدرسة نادي رجاء بني ملال لكرة القدم لي فتحت باب التسجيل فهد رمضان للأطفال أقل من 14 سنة.
تاكسي نيوز سولت وجابت ليكم الجواب، فالمدرسة تاتعطيك توقع واحد الالتزام فيه الشروط ديال اللعب وفيه الالتزامات ديال الاباء والانضباط ديال الابناء، وفهاد الوثيقة كاينة بلاصة ديال شهادة طبية ديال الطبيب للطفل.
بالنسبة لخلاص المدرسة حددت مبلغ 200 درهم للشهر، وهو مبلغ شوية غالي وماشي في استطاعة جميع ابناء الشعب، ثم حددت المدرسة 450 درهم فالعام فيها صاك فيه لبسة رياضية وداخل فيها لاصورانص ديال الطفل.
ناس لي تايسولو على التيست ، فالمدرسة لغاتو يعني خلص الواجبات وجيب الالتزام ودخل ولدك يلعب بلا حتى شروط.
بالنسبة لمكان التداريب غايكون في ملعب العامرية لي تفتح مؤخرا.
