العربي مزوني
علاش رحبة الغنم ديال بني ملال خاوية…. تاكسي نيوز جابت ليكم الجواب حيت صحاب الكراجات مابغاوش يدخلو الغنم ليها وهذا خطأ فادح وتدبير فاشل من جماعة بني ملال لي دارت سوق فالدقيقة 90 وخلات الكراجات مفتوحين فالاحياء شاعلين العافية الكحلة فالأثمنة ديال الغنم ديال 30 ألف و40 ألف ريال تايقولو لو 80 ألف ريال لفوق والحوليات ب 60 ألف والصغارات ب 50 ألف لفوق
هاد المرة الجماعة ماديرش السوق وتخبر بنادم بلي كاينين غا الكراجات لي تكراو بالثمن وطبيعي بعض الشناقة غايزيدو فالاثمنة الخيالية باش يعوضو كراء الكراج ثم كالسين مبردين مع روسهم وتايتبوردو على المواطن فالاثمنة ومن فوق هدشي مشوهين الاحياء ومخليين الروايح خايبة فيها وكاين لي داير الزرايب كاع وسط المدينة وهدشي تايخلي بني ملال تبقى عاصمة القرى واسمها كيف ديما “القرية الكبيرة”.
مواطنون قالو لتاكسي نيوز بلي سبب فشل رحبة بني ملال هو سوء تدبير المجلس الجماعي ماشي بحال رحبة الفقيه بن صالح وولاد يعيش وولاد موسى وسوق السبت لي تايستقطبو الشاري بكثرة ومن مختلف المدن.
خاص المجلس يدير خدمتو
