موحى الفرقي
حسن بنخيي العامل ديال أزيلال، رجل المرحلة بامتياز، من بعد التعيين ديالو على رأس العمالة ومن بعد الثقة لي عطاها لو سيدنا، قرر انه غادي يقطع مع الريع وغايراجع مجموعة ديال الاختلالات فعدد من جماعات الاقليم، وأيضا غادي يراقب بشكل صارم عمل المجلس الاقليمي والمشاريع ديالو، وهدشي كامل باش الأموال ديال هد المشاريع تمشي فالمجالات لي تاتهم الساكنة بحال الصحة وسيارات الاسعاف والمسالك الطرقية والماء والكهرباء …
العامل ديال أزيلال وحسب مصدر من العمالة غادي يعاود النظر فبعض المصالح لي كاينة فالعمالة، وغادي يوقف على الدعم لي تايتقدم من صناديق المبادرة الوطنية للتنمية البشرية باش لي يستحق هو لي يشد. حيت هاد الدعم مديور باش يتم النهوض بالاقليم و بأوضاع الساكنة باش مانبقاوش نشوفو حالات ديال نقل المرضى على النعوش ومابانبقاوش نشوفو التلاميذ تايتنقلو على الدواب وما نبقاوش نشوفو المعطلين تايحتجو فالمدينة من أجل العيش الكريم ومن اجل العمل او الاستفادة من المشاريع ديال المبادرة لي من حقهم.
من جهتنا كاعلام جهوي تانثمنو هاد الخطوات الاصلاحية وتانصفقو عليها و الله يعطيه الصحة.
