تاكسي نيوز
بزاف ديال المنتخبين عجبهم التدخل ديال عادل براكات رئيس جهة بني ملال خنيفرة، خلال لقاء وزير الاستثمار لي تقام بمقر الولاية صباح اليوم الجمعة.
براكات حايد اللباس ديال رئيس الجهة ولبس جلابة ديال البرلماني ودار مداخلة ترافعية على جهة بني ملال خنيفرة، لي طالب فيها باهتمام الحكومة بهد الجهة واعطاءها حقها الكافي من المشاريع الاستثمارية.
براكات طالب باش يكون انصاف من الحكومة لجهة بني ملال خنيفرة وتعطي استثمارات تحت الاشراف ديال الوالي، وكذلك تبسط الاجراءات ديال المشاريع في وجه المستثمرين. وهدشي كامل باش يمكن النهوض بهد الجهة وتحريك عجلة الاقتصاد ديالها وخلق فرص شغل لشبابها.
