حميد الخلوقي
توصل موقع تاكسي نيوز ببلاغ من الأسرة لي لقاو ولدهم معلق بحبل فبني ملال ، تايناشدو فيها بعض الصفحات وبعض الأشخاص لي ناشرين الصورة والفيديو ديالو باش يمسحو دكشي، حقاش هد القضية تسببت لهم فالمزيد من المعاناة النفسية بالاضافة الى المعاناة ديالهم مع فراق الابن ديالهم.
الأسرة تطالب هدو لي ناشرين الصورة والفيديو باش يراعيو للوالدة ديال المتوفى ، حيت مابغاوهاش تشوف ولدها فديك الوضعية.
دبا راه تاواحد ما عندو الحق ينشر صور الاشخاص لي ماتو او الفيديوهات ديالهم وخا يكون صحفي كاع ، حقاش هدشي تايعاقب عليه القانون بعقوبات صارمة تصل الى حد الحبس النافذ والغرامة، حيت راه مايمكنش باش نتوما كصفحات او اشخاص تحققو البوز الخاوي على ظهر الالام ديال الناس، يصرح احد أفراد الأسرة.
لكل ذلك الأسرة ديال الولد الراحل تناشد الجميع الى التوقف على نشر صور وفيديو لحظة وفاة الراحل.
