تاكسي نيوز / خاص
دكشي لي كان ديال لقرايا ماتبدا حتى لشهر اكتوبر راه مابقاش ، ففي تصريح لمومن الطالب مدير الاكاديمية الجهوية للتربية والتكوين بني ملال خنيفرة قال لتاكسي نيوز :” خاص نبدلو دكشي لي كان سابقا ، حنا قلنا الدخول نهار 7 شتنبر يعني غذا الخميس فراه الدخول والقرايا غادي تبدا من غذا مكاينش دكشي ديال سير واجي واحد شهر ”
واضاف طالب :” درنا لجن من الاكاديمية والمديريات باش ندورو على كاع المؤسسات التعليمية والى لقينا شي استاذ او مدير او اي موظف غائب غادي نتاخدو في حقو الاجراءات التأديبية”
هاد المقال فيه نوع من التحيز و سأوضح لماذا. أولا الوزارة حددت الفاتح من شتنبر كآخر أجل لاعلان التعيينات للأساتذة، في حين تانلقاو أن المديرية الاقليمية ببني ملال و كذلك ديال أزيلال مازال ماعلنوش على التعيينات لدابا (دايرين روطار ديال سيمانا ) . ثانيا : كان من المفروض فهاديك السيمانا أن الأساتذة يكريو فين يسكنو او يوجدو دروس ، في حين دابا غادي يعطيوهم التعيين فالصباح او سيييير قرّي فالعشية بلاما توجّد بلاما تجيب الكتاب ، او معا 18h خاص الأساتذة يقلبو على شي زيتون فين ينعسو بما أنهم ماعطاوهمش الوقت فين يستقرّو .
حاجة وحدة لّي أكيدة هاد العام هي الاعتباطية في التنظيم و التسيير