تاكسي نيوز /إدارة الموقع
عمالة الفقيه بن صالح عندها ارتجالية كبيرة فكيفية التواصل مع الصحافيين والمواقع المحلية والجهوية ، تاترسل بلاغاتها لمن بغات وتاتستتني لي بغات فالصحافة ، والغريب هو أنه هد المكلف بالتواصل كان تايرسل لموقع تاكسي نيوز البلاغات باش نشروها ، لكن لاحظنا انه من بعد ما كتبنا انتقاد شي مرات على العمالة مباشرة وقف على مراسلتنا ، ماعرفناش واش هو انتقام من شي شخص تماك بسبب خطنا التحريري او خطأ وخا الخطأ مع موقع مقروء غير وارد .
مؤخرا عمالة الفقيه بن صالح عممت بلاغ حول نقل مقر العمالة الى مقر جديد ، لكن ماشي كلشي وصلو هد لبلاغ وخا أن القراء ديال منبر تاكسي نيوز عندهم الحق فهد المعلومة لاسيما وأن جمهور واسع من الفقيه بن صالح تايتابع تاكسي نيوز، ولي مكلف بالتواصل دار الانتقائية ماشي على أساس الوزن ديال المواقع وعدد قراءها ولكن ربما على أساس آخر!
وحنا تانعرفو بلي القرناشي تايقدر موقع تاكسي نيوز ومتبع كل صغيرة وكبيرة فيه ، وتايتفاعل مع مقالتو ، ولكل هد الاسباب نقترح على العامل انه يعجل بتشكيل مكتب للتواصل مع الصحافة حقاش مرآة أي مؤسسة هو مكتبها الخاص بالتواصل.
