تاكسي نيوز // الحبيب المصطفى
أصدرت احدى الجمعيات الصحافية الرياضية بيانا للرأي العام توصلنا بنسخة منه تعلن فيه عن طردها لرئيس أحد فروعها بجهة بني ملال خنيفرة ، بعدما سجلت في حقه عدة خروقات وتجاوزات منها عقده جمع عام استثنائي وتغييره للقانون الأساسي دون استشارة المكتب التنفيذي.
ولعل أبرز تبرير وفق بيان الجمعية لتشطيبها على رئيس فرعها هو تسلمه دعما من جهة بني ملال خنيفرة بقيمة 8 مليون سنتيم ، والتصرف فيه لوحده وشرائه لكاميرات ، حيث طالبت الجمعية من رئيس جهة بني ملال خنيفرة باعتباره الجهة المانحة بفتح تحقيق في كيفية حصول المعني على المنحة المالية ومحاسبته لاسيما وأنه تصرف في المال العام وطالبت رئيس الجهة بارجاع هذه المنحة،وفق البيان الذي نتوفر عليه.
هاد لفضيحة الكبيرة تاتوضح سياسة الكيل بمكيالين لمجلس جهة بني ملال خنيفرة في التعامل مع الصحافيين ومع المؤسسات الصحفية ،حيك هاد الفرشة تاتبين بأن لي بغا يشد دعم من الجهة خاصو يكون خبير وعندو مو فالعرس ويدير جمعية ويدفع ليهم وشبيك لبيك الدعم بين يديك.ولكن المؤسسات الجادة لي واضحة ومنهم مؤسسة تاكسي نيوز لي دفعات اتفاقية شراكة بمبلغ هزيل لا يتعدى 4 مليون سنتيم قالو لينا حقا والواد راه مكاينش تبويب وماعدناش كيف نديرو ، رغم ان قانون الصحافة والنشر الجديد واضح ونص على ابرام العقود بين المؤسسات الصحفية وباقي مؤسسات الدولة في اطار القانون وفي اطار دعم الاعلام والصحافة عموما والصحافة الجهوية خصوصا.لكن للاسف قريب سنتين وحنا دافعين وتاحاجة مكاينة وتانتقاتلو من مالنا الخاص باش نهزو بهاد الجهة ونوصلو المعلومة للرأي العام ، في الوقت لي تايعطيو لباك صحبي بحال شي وحدة مولات 500 مليون سنتيم ديال الثقافة ودكشي ، وبحال هدا لي خدا 8 مليون سنتيم وبحالهم بزاف لي اشباح وتايستافدو وراء الجمعيات.هدشي راه عار وعيب فين هي هاد شفافيةوو.
المهم فرشة خايبة هادي سواء لهد الجمعيات اللي الهم ديالهم هو جمع الفلوس وتايتفارشو فاش الكعكة كاياكلها غا واحد بوحدو ، وسواء من مجلس الجهة لي بان فهاد البيان بلي ماضابطش اومورو في كيفية التعامل مع الدعم الممنوح للجمعيات وما خفي من المقربين أعظم.
نتوفر على البيان ومانشرناهش حقاش فيه تشهير بزاف بالاشخاص وحيك هما مطايفين بيناتهم حنا خاصنا مانكونوش طرف معهم. المهم رسالة وصلات .
