تاكسي نيوز
مابقيناش فاهمين بصراحة هد المكتب المسير لرجاء بني ملال كيفاش تايفكر فالمستقبل ديال لفرقة وفالمواهب ديال الاقليم ، حيك كلشي استغرب في المباراة النهائية للدوري الربيعي ، غياب رئيس المكتب المسير او اي ممثل عن المكتب او مدرب الفريق الجديد.
بعض الغيورين عن الفريق ما استغربوش هاد الغياب لي ماعرفناش واش مقصود او بعذر ، حيك اصلا حسب ما قالو بعض الرياضيين فالمكتب ماشي فصالحو يختار مواهب محلية في كرة القدم ، لان المصلحة كاينة فشراء اللاعبين من خارج الاقليم والجهة ككل ، وهنا تايبان بلي السياسة ديال المكتب المسير غادي تمشي بهاد الفرقة للهواة
وللاسف كانو مواهب رائعة في الحفل الختامي لهاد الدوري الأكبر والأول من نوعه بجهة بني ملال خنيفرة ، ولكن ماعندهومش الزهر يتهزو فالفريق ويعتانيو بيهم ، وبدل نجيبو لاعبين من خارج الجهة ،على الاقل يكونو عدنا واحد 4 او 6 من المواهب المحلية.
والغريب ان بعض الاعضاء بالمكتب المسير بغاو يحضرو في حفل العشاء لي منظم على شرف اللاعبين والمشاركين والمنظمين لهد الدوري .
ايوا تفهم تحماق
