تاكسي نيوز // خاص
والي جهة بني ملال خنيفرة دشن صباح السبت مركز الأمل لمرضى القصور الكلوي بتكزيرت ، واطلع على تجهيزاته الحديثة ، وسلم شواهد تقديرية للعاملين والعاملات بهذا المركز كتشجيع منه لهم باش يطهلاو فالمرضى ويديرو خدمتهم على أحسن وجه.
هد المركز من المتوقع باش يستقبل حوالي 60 او 70 مريض ، من تكزيرت ونواحيها ، وطبعا الى كانو مساعدات كبيرة من الشركاء غادي يقدر يغطي كاع المناطق الجبلية لي قريبة لتكزيرت ومابقاوش يمشيو لسبيطار ديال بني ملال.
هد المؤسسة كان السكان تايتسناوها بفارغ الصبر حيك غادي تنقص ليهم المعاناة مع التنقل ومع البعد وسير واجي لبني ملال.
الوالي قام بزيارة لعدة مناطق جبلية بالاقليم ولنا عودة لتغطيتها بالتفصيل.
المهم حنا كصحافة فرحانين لخوتنا بافتتاح هاد المؤسسة لي غادي تقدم خدماتها لناس دياليز ولي تانتمناو ليهم الشفاء ودوام الصحة.
