تاكسي نيوز // حميد الخلوقي
من بعد المقال لي نشرات تاكسي نيوز حول تعليمات والي جهة بني ملال خنيفرة لازالة البرارك لي جنب المؤسسات التعليمية بالعمرية ، وفي خطوة مفاجئة ظهرت حركة غير عادية لبعض الشاحنات والعمال لي فيما يبدو تايواصلو اصلاح هد المحلات ، وتايصاوبو ليها الارضية باش يعمروها الاشخاص لي ستافدو منها .
الخطوة دفعات الساكنة المجاورة والتلاميذ يستغربو منها ويهددو بالخروج للشارع، خصوصا وانهم استبشرو خير من الانباء لي قالت بلي الوالي غادي يوقف هد المهزلة ، حيك مايمكنش تصلح مشكل بمشكل كبر منو ، غادي تجيب برارك جنب مؤسسات تعليمية هدشي عندو بعد تربوي كبير وسلبي.ولي خلاه عيوش فبغررة التعليم يجيو البرارك يكملوه.
لي لاحظنا ان هناك لوبيات مسيطرة ومتحكمة وماشي فصالحها المجلس البلدي يتراجع عن قراره او الوالي يعطي تعليماتو، رغم ان الوالي السابق دردوري وقف العملية الى حين ايجاد حلول بديلة ، وعلى ما يبدو ان قوة الجهة لي داخلة فهاد لبرارك كبيرة بزاااااف.
الوالي حايد السوق لي في التجزئة ديال شارع الرباط من جهة شارع محمد السادس هدشي صفقنا لو ، ولكن واش غادي يقدر يوقف هد المهزلة ،الايام لي غادي تجاوبنا…
