تاكسي نيوز / محمد العماري
غريب ما يقع داخل بني ملال الجريحة، حتى نستبشرو خير ونقولو بلي لبلاد غادية تقاد ، حتى نتصدمو عاوتني وتعود حليمة الفوضى لعادتها القديمة ، فمن بعد ما حايدو الباعة ديال الخضر والفواكه فديك التجزئة لي فسوق شارع الرباط وكذلك حايدو مالين دجاج وقلنا مزيان ، هاهي الظاهرة تفرخات و رجعات بقوة بمدخل الضحى ، بحيث ان بعض المتضررين من الساكنة ديال ايت طحيش تاصلو بتاكسي نيوز وعبرو عن غضبهم الكبير من تفريخ سوق جديد بجوارهم كل ثلاثاء وأحد وما يجمعه من نفايات وازبال ووو ، وطرحو اسئلة على السلطات الولائية والمحلية واش من المعقول تحايدو سوق من شارع وتجيبوه لشارع حداه؟، واش من المعقول تكون الهدف من تلك الحملة واخراج مالين دجاج هي ضمان الارض للضحى والمواطن لهلا يسهل فيه ؟! واش من المعقول تحلو مشكل بمشكل اكبر وأخطر منو بحال كيف غايوقع بالمحلات العشوائية لي فشارع رباط ؟!. صحيح ان المحلات لي بجنب الثانوية ديال العمرية حيدوهم لكن بشارع الدار البيضاء وقرب المحطة طكسيات يبقى شوهة بكل المقاييس .
وفي الاخير مجموعة من ساكنة ايت طحيش ومعهم بعض سكان الضحى طالبوا الوالي عبد السلام بكرات باش يتدخل ويمشي فالاستراتيجية ديال نقل الباعة الى محلات تجارية داخل السويقة .
