تاكسي نيوز // حميد الخلوقي
فالحقيقة والله الى حشومة وعيب وعار هدشي لي تايوقع فهاد المدينة ، راه ماشي معقول باش يجي واحد مبرهش في عقلو ويدير رالي دكار بشوارع بني ملال بالموطور ديالو الكبير ، ويدير واحد الصوت صاخب تايتقب الودنين ، ومايراعي لى لي مريض لى لي حاملة لى لي بغا يتصنت لمخو.
شي وحدين هد الايام وخصوصا لبارح واليوم شادين موطورات كبار وتايمشيو ويجيو فشارع محمد الخامس بنهار وطالقين واحد الصوت تايقفز كاع ناس سواء لي غاديين فالشارع سواء لي فالقهاوي وهدشي طبعا خلا المواطن يسخط على هد السلوكات المريضة المتعششة في عقول بعض الشبان.
للاسف باش حتا ليل تاهو يديرو فيه هاد الاصوات ويمشيو ويجيو فالشارع بكامل الحرية ، فهادشي مايبغيه لى الله لى عبدو.
