تاكسي نيوز/حميد الخلوقي
القناة الاولى وقناة دوزيم مابانش ليهم الاثر في جنازة الفقيد محمد الحجام ، واش خاص الصحافي يكون ساكن في محور الرباط والدار البيضاء باش يمكن يدوزو الدفن ديالو ، هدي حكرة تاهي للصحافة والاعلام بجهة بني ملال خنيفرة ، وخا راه الراحل الحجام أكبر من هاد القنوات والمثال هو التغلب ديالو فانتخابات المجلس الوطني للصحافة فئة الناشرين على مجموعة من عمالقة الصحافة المغربية.
شفنا هاد القنوات تايجريو ينقلو جنائز لبعض الاشخاص لي أقل شأنا من الهرم الحجام ،غا هو الفرق لي بينهم هو ان هادوك فكازا ورباط والحجام فبني ملال لي تاتبان ليهم كلها تهميش.
دوزيم والاولى تايضلو يتساراو فاقاليم جهة بني ملال وخصوصا القناة الاولى لي ماتاتخلي حتا قنت من ادارات ومجالس منتخبة وفين ما دخلنا تالقاوهم بحال اللاص مبندين ، وللاسف وفاة قيدوم الصحافيين ماحركاتهومش يجيو يديرو تغطية عليه .
وبهاد المناسبة كل الشكر لقناة ميدي1 لي دارت تقرير على الزميل الفقيد وهاد القناة لي بالفعل كل مرة تاتأكد المهنية ديالها عكس شي قنوات لي ريحتهم عطات فكل تغطية صحفية.
سي جمال الصحافة الجهوية بجهة بني ملال خنيفرة لا تلق الاهتمام من المسؤولين الجهويين والأخرى من المسؤولين الوطنيين، وهذه في الحقيقة مشكلتنا كصحافيين، حيث نعطيهم الفرصة لكي يحتقروننا ويهينوا كرامتنا.
باحث.محقق.و مؤلف.متقاعد جهة بني ملال خنيفرة..رحمه لله و أسكنه فسيح جناته وانا لله وانا أن إليه راجعون.تعازي الحارة إلى جميع مراسلي الصحافة ببني ملال.و السلام عليكم.الدايم لله….و إلى عائلته.