محمد الوافي
واش فعلا كاين صراع كبير فوزارة الصحة مابين جهات واليوبي ، الانباء المتادولة اليوم في جل الصحف تاتقول بلي اليوبي هدد بتقديم استقالتو لبارح ، وطبعا هدشي تسرب للصحافة اليوم ، وتناولاتو جل الصحف الوطنية ، لكن اليوبي التزم الصمت وحتى الوزارة ضربات الطم.
اليوبي فتصريحاتو لبعض المواقع فأول الامر قال :” لا أنفي ولا أؤكد خبر الاستقالة” وطبعا اجابة بحال هذي تاتخلي الواحد يجزم بلي الاستقالة كاينة والخلاف كاين ، حيك لو انه مكاين والو كان غادي يقول للاعلام لا مكاين والو ، كيف قال عشية اليوم لبعض المواقع ونفا خبر استقالتو.
هدشي فالحقيقة خاصو بلاغ رسمي من وزارة الصحة توضح فيه للمغاربة اشنو واقع ، ماشي حتى لاخر لحظة ويخرج يقولو حقا والواد هدشي مكاينش. وخا العالم كامل تايهضر على هاد الاستقالة.
خاص الوضوح شوية من وزارة الصحة فهاد الامر وخاص اليوبي حتا هو يكون صريح مع ذاتو ومع المغاربة ويوضح اشنو كان واقع او اشنو واقع لو فالوزارة واشنو اسبابها .
المهم اليوبي خرج فتصريحات اعلامية قبل قليل ونفى نفيا قاطعا خبر استقالته لكنه لمح لكون جهات سياسية تريد الايقاع بينه وبين الوزير وهو ما يرجح فرضية وجود صراع داخل وزارة الصحة الايام ستكشفه.
